بنبني للسوق العربي الأدوات اللي موجودة بغيره وناقصة عنّا.

تعرّفنا ببراتيسلافا. واحد فينا عنده أفكار منتجات من سنين وما عنده الأدوات التقنية ينفّذها، والتاني تقني وعنده الأدوات وما عنده الفكرة اللي بتستاهل. فصار عنا شركة.

وإحنا هون، شفنا إشي بسيط: صاحب الصالون بأوروبا ما بيرد على تلفونات حجز. زبونه بيفتح صفحة، بيختار وقت، وبيخلص. التقنية هاي شغالة من أكثر من عشر سنين وما فيها أي سر.

لمّا دوّرنا على المقابل بالعربي، ما لقينا. لقينا منصات أجنبية بواجهة مترجمة من اليمين للشمال بالغلط، بتاخد عمولة على كل حجز، وبتتعامل مع يوم الجمعة كأنه يوم شغل عادي. وأصحاب الأعمال اللي بتعرفهم ببلادنا لسا بيسجّلوا مواعيدهم بدفتر ورد على الواتساب بين زبون وزبون.

المشكلة مش إن السوق العربي متأخر. المشكلة إن ما حدا بنى هالإشي إلنا. فبنيناه.